Star Trek

Nú er ég orðin startrek þ.e. hjólastjarna því ég keypti mér nýtt hjól í vikunni og það ekki af verri endanum.

Trek Navigator 3,0 á 52 þús kr takk. Það er svo fullkomið að það er næstum því sjálfskipt og ég veit að kvenfólk á eftir að taka eftir mér þegar ég hjóla glæsilega fram hjá. Það er verst með þennan blessaða reiðhjólahjálm, maður lítur út eins og hálfviti með hann. Af hverju er ekki hægt að búa til sexí hjálm ? Jæja, það er þú betra að líta hálfvitalega út heldur en að líta bara alls ekki út. ( þetta var mjög djúp pæling og ég vona að fólk skilji hana .. )

Næturgalinn

Það var eins og við manninn mælt, litli næturgalinn minn söng eins og engill og heillaði alla viðstadda. Hún söng eins og hún ætti lífið að leysa og svei mér þá ef mér leið ekki eins og keisara.

Hún var glæsileg !

Hún gaf svo mikið af sér að hún var kominn með hita í gær og er nú heima með flensu blessunin.

Helgin framundan og engar æfingar, þarf ekki að fara yfir texta, bara tjilla.

Æði !