Páskaveikindi

Páskarnir að þessu sinni voru með heldur öðrum blæ en venjulega. Ég er búinn að vera veikur, með hálsbólgu, hósta og nefrennsli en engan hita. Ég hélt því mínu striki með hálfa heilsu og við náðum að klára nokkurn veginn kjallarann. Ég setti saman vínrekka sem tekur 64 flöskur og raðaði vínunum mínum í hann og viti menn, hann var nánast fullur. Fórum svo í fimmtugsafmæli á Páskadag í Þrastarlundi en vinkona okkar hún Arndís hélt upp á það. Ég fórnaði mér og var dræfer enda ekki með heilsu í annað.

Var með tengdó og Kidda bróðir hennar Önnu í mat á laugardag og bauð upp á hægeldaðan svínabóg a la Rivercafé. Heppnaðist ágætlega en uppskriftinn er samt þannig að maður fær nóg eftir eitt skipti, frekar væmið. 

Náðum góðum 2ja tíma göngutúr á föstudag og Anna fór tvisvar í ræktina. Að öðru leiti var þetta svona vinnuveikinda Páskar sem fljótt falla í gleymskunnar dá. 

Athugasemdir

[Lubbecke mærin (IP-tala skráð) 25.3.2008 kl. 17:28]

Halló frændi..     Ekki beint skemmtilegt að eyða páskunum í svona veikindi.. ekki oft sem maður fær nokkura daga frí samfleitt á klakanum.... hefði svo sem alveg getað þegið  að fá flensuskott heima hehe svo mín hefði verið aðeins dannaðri í öllu sukkinu, nammiátinu og matarboðunum    ótrúlegt hvað maður getur leyft sér um leið og föst rútína dettur út í eina viku...   Annars vonandi ertu orðin stálhress... Bið kærlega að heilsa úr vetrarveðrinu hérna í lubbecke jább... hérna er búið að vera páskahret síðan ég kom heim á páskadag... kingir niður snjór öðruhverju allan daginn hérna og bara skítkalt úfff... greinilegt að vorið er allavegna ekki á næsta leyti í Germany... eins og ég er búin að dásama hvað það sé yfirleitt langtum betra veður hérna heldur en heima haah...

knús Lubbecke mærin