Fangelsi fyrir hrottafengna áras

á RUV.is er eftirfarandi frétt:

Héraðsdómur Reykjavíkur hefur dæmt karlmann í 8 mánaða fangelsi fyrir að hafa fjórum sinnum ráðist á fyrrverandi eiginkonu sína með hrottafengnum hætti. Fram kemur í dóminum að maðurinn hafi margsinnis greitt konunni hnefahögg í andlitið, á bak, axlir, hnakka og maga. Hann hafi dregið hana á hárinu og lamið hana og sparkað í hana þar sem hún lá á gólfinu.

Í dómnum segir að brot mannsins hafi verið hrottaleg og ófyrirleitin og til þess fallinn að vekja mikinn ótta hjá konunni og valda henni andlegum raunum til frambúðar. Fimm mánuðir af dómnum eru skilorðsbundnir. Maðurinn var einnig dæmdur til að greiða konunni 900.000 krónur í miskabætur.

Alveg setur mann hljóðan að þurfa að lesa svona rugl. Þetta er einn versti glæpur sem ég get hugsað og þessi lýsing er þvílík að þennan mann þarf að sjálfsögðu að leggja inn á geðdeild. Nei, hann fær 8 mánaða fangelsi og þar af fimm mánuðir skilorðsbundnir. Hann þarf sem sagt að afplána 3 mánuði fyrir þessa ömurlegu meðferð á konunni sem kemur örugglega aldrei til með að ná sér. Hvernig haldið þið að hann hafi komið fram vi hana meðan hann var ekki fyrrverandi eiginmaður ?

Þetta er ömurlegt og alger hneisa fyrir dómskerfið okkar. Sveiattan !

Athugasemdir

[Björg (IP-tala skráð) 4.4.2008 kl. 20:39]

Addi minn ef maðurinn væri geðveikur þá væri hann ekki sakhæfur en því miður hefur þetta ekkert með veikindi að gera heldur vald.  Bið að heilsa vinkonu minni.

[María Björk (IP-tala skráð) 5.4.2008 kl. 18:42]

það sem er veikast í þessu er auðvitað dómsvaldið.

í Noregi er undantekning ef svona dómar sjást- þar verða svona menn að leita sér lækninga ýmist hjá geðlæknum, sálfræðingum eða félagsráðgjöfum.

Jú, ég tek undir að þetta snýst um vald en sjúklegt vald psykopatans.

Það sem við getum gert er hinsvegar að forða dætrum okkar, frænkum, systrum og öllum konum frá svona mönnum , með öllum ráðu.