Stórslys !

Var að hlusta á Reykjavík síðdegis á Bylgjunni áðan þar sem hlustendur fengu að hringja inn út af hugsanlegri málsókn Árna Johnsen á hendur Agnesi blaðamanni fyrir ummæli hennar í útvarpi. Hún kallaði hann sórslys og þorði því að segja sem flestir þeir sem ég þekkja vilja segja um Árna.  Ég þori náttúrulega ekki að kalla hann slíku nafni af ótta við að hann lesi þetta og sæki mig líka til saka. 

Stórslys ? Hvað er maðurinn búinn að gera. Hann rændi og ruplaði íslenskan almenning og laug fram í rauðan dauðann til að sleppa við ákæru og tautaði svo eins og Galileo forðum þegar hann fékk dóminn, " en hún snýst nú samt, æran mín ". Enda var það næsta hneyksli þegar Sjálfstæðisflokkurinn sneri málinu við og veitti honum uppreista æru til þess eins að geta aftur boðið sig fram til embættis. Má ekki milli sjá hvor er spiltari þar ÁJ eða Sjallinn. Svo er nú ekki eins og hann hafi sýnt iðrun og yfirbót, nei aldeilis ekki því í öðru hverju orði er hann að reyna sýna sitt saklausa andlit með yfirlýsingum eins og " tæknivilla " o.s.frv.

Svo er stórmennið, karlmaðurinn sjálfur hálfgerð kerling inn við beinið sem þolir ekki að það sé talað um sig á neikvæðan hátt og ætlar í mál vegna þess,  á sama tíma og hann er að skíta út mann og annan í blöðunum þannig að þeir ætla í mál við hann.( Það má lesa um þetta hér ef fleiri en Árni eru búnir að gleyma þessu:

http://www.mbl.is/mm/frettir/innlent/2008/04/26/aetlar_ad_kaera_arna_johnsen/ 

Hann má en ekki Agnes. 

Agnes er ótrúlega skemmtilegur og lifandi blaðamaður sem þorir að segja hlutina eins og þeir eru.

Ég er hálfur Vestmannaeyingur og ég skammast mín ótrúlega mikið.

Athugasemdir

[Andri Már (IP-tala skráð) 29.7.2008 kl. 19:08]

Já ég er sko hrikalega sammála þér í þessu Pabbi minn, heyrði þetta í hádegisfréttum í dag og varð vægast sagt pirraður..

Þvílíkur hræsnari sem að þessi maður er , hélt að hann gæti ekki farið lengra í vitleysunni og fíflaskap , Þá tekur hann uppá þessu , og að fara framm á 5 milljónir króna í skaðabætur !! Ég held að hann sé með frauð í hausnum svei mér þá ...

flytjum Árna Johnsen bara til Tahilands ,hann er fínn þar bara held ég ...

Vona að hann sjái þetta ekki þá gæri ég átt von á miklum skaðbótum og lögsókn jafnvel 

[Heiðar Birnir, 31.7.2008 kl. 10:13]

Ertu svona hálf skömmustulegur.