Arnlaugur Helgason

20.8.2008 | 09:13

Jakob Frímann og eymingjarnir

Nýráðinn framkvæmdarstjóri miðborgarmála, stuðmaðurinn Jakob Frímann er strax farinn að láta til sín taka á vettfangi miðbæjarmála. nú datt honum í hug það snjallræði að setja bara upp einhverja hafnarkrá í útjaðri Reykjavíkur sem hýsa á fyllibyttur miðbæjarins. Í einu vetfangi að losna við skrílinn sem drekkur allt of mikið úr miðbænum. Frábært ! Að vísu á eftir að heimfæra hugmyndina aðeins eins og t.d. hver á að reka þessa hafnarkrá og ekki síður hvernig á að fá þessa óyndimenn til að mæta einmitt á þessa krá en ekki aðra. Það má sjá fyrir sér alls kyns lausnir á því:

- selja landa á staðnum á lægra verði

- selja bjórlíki í stað venjulegs bjór, þeim er jú nokk sama hvað þeir drekka

- vera með hljómsveitirnar Óðmenn og Misyndismenn á kvöldin

Nú eða nota sömu aðferð og notuð var í Sundhöllinni í gamla daga, þeir sem eru með rauð bönd mega einungis drekka á þessari krá en ekki öðrum. Rauð bönd, upp úr miðbænum !

Ef þetta gengur vel má alveg sjá fyrir sér að hugmyndin verði útfærð á aðra sjúklinga. T.d. fatlaðir megi einungis eiga heima í Mosfellsbæ, geðfatlaðir einungis halda sig á Krísuvíkurleiðinni o.s.frv.

Þetta eru jú allt saman sjúklingar, ekki satt Jakob Frímann ?

Miðbærinn verður þá bara fyrir heilbrigða, fyrir Aría .....

Flokkur: Bloggar | Facebook

Athugasemdir

Ég hef ekki mikla trú á að það komi eitthvað af viti upp úr honum Jakob..

Annars er ég byrjuð að blogga aftur..

love

Íris (IP-tala skráð) 20.8.2008 kl. 11:30

Sko, mér finnst t.d. að það ætti að banna feitu fólki að labba niður Laugaveginn. Feitir geta labbað Hverfisgötuna. Eða nei annars, ég gæti lent í því að mega ekki labba Laugaveginn

Ef það á að fara að flokka hverjir mega sjást í miðbænum og hverjir ekki, eftir hvaða viðmiðunum á að fara? Hvenær eru menn fyllibyttur og hvenær ekki? Fer það eftir því hvað menn drekka mikið áfengi eða hvort menn fara daglega í bað eða ekki? Hver á að meta það hvort menn eru það miklar byttur að þeir eigi ekki að sjást í miðborginni?

Rannveig Árna (IP-tala skráð) 20.8.2008 kl. 18:38

Heyrðu, ef þessi hafnarkrá verður að veruleika, er ekki bara upplagt að Stuðmenn haldi uppi fjörinu þar