Lof Malakoff

Hversu heimskir geta Rússar verið ? Hvernig dettur þeim í hug að banna hinsegin gleðigönguna í Moskvu á sama tíma og augu umheimsins er á þeim. Búnir að fá fullt að punktum hjá fólki út um allan heim en nei, heimskur og þröngsýnn borgarstjóri með hommafóbíu þarf að að spilla þessu öllu.

En það er hjóm eitt of fengi jafnvel viðurkenning Amnesti International miðað við að bjóða heiminum upp á að þurfa að hlusta á hinn óhemju heimska og sjálfumglaða kynni þeirra, Malakoff sjálfan ! Það eru pyntingar í beinni útsendingu og ætti með öllu að heyra undir Amnesti International.

Hvar í ósköpunum grófu þeir þennan ömurlega mann upp því það hljóta að vera ósköp sem koma slíkum leiðindaskarfi í heiminn. Hann man ekki einu sinni hvað með kynnirinn hans heitir, Natscha segir hann um leið og hann þefar af hárinu á henni þó hún heiti eitthvað allt annað. Hann hlítur að vera náfrændi Pútins eða jafnvel launsonur. Dívon eða hvað hann nú hét sem vann í fyrra er eins og skemmtilegur Einstein við hliðina á Malakoff.

Og hver skrifaði eiginlega handritið fyrir þau ? Ekki nóg með að heimurinn vissi ekkert hvort þau voru að segja brandara eða bara láta vaða á súðum þá var algerlega á hreinu að Malakoff vissi ekkert hvað hann var að segja á ensku. Örugglega einhver sagt honum að hann væri að leika í klámmynd og þetta væri bara allt í plati. Og að endingu það mætti halda að báðir kynnarnir væru nýkomnir frá Íslandi því hárið á þeim leit nákvæmlega eins út og  á flestum Íslendingum undanfarna daga ...voosh..

Hann er svo leiðinlegur að ég fyrirgaf jafnvel alls kyns listamönnum sem komu fram í gærkveldi eins og t.d. frá Ungverjalandi þar sem þröngklæddur dansari söng „ Dance with me „ með þremur konum sem kunnu alls ekki að dansa en voru örugglega „ listamenn „ á einhverju öðru sviði eða annars konar dansarar.

Það eina sem er gott við að þessi hinsegin gleðiganga verði bönnuð er að þá þarf maður ekki að hafa neinar áhyggjur af því að Hollendingarnir syngi á laugardaginn  því  leiðinlegra lag er ekki fram borið í keppninni. Ekki nóg með að lagið sé lélegt heldur voru þeir ramm falskir þegar þeir sungu það. Ég veit vel hvað Hollendingar voru að reykja þegar þeir kusu þetta lag áfram. Löglega að vísu. Þeir voru í það minnsta ekki að drekka Heineken. Shine, shine ,shine, ég segi bara fine !

Fékk bakþanka þegar ég heyrði norsk-rússneska strákinn syngja ( og spila ?) norska  lag ið sitt því flutningurinn var ekki nándar jafn góður og í vídeóinu. Sá að Geiri í Goldfinger var aðal styrktaraðili atriðsins frá Úkrainu þar sem dansararnir voru einmitt að reyna að syngja eitthvað í leiðinni.  Fyrirgaf dúettinum frá Azerbaijan því annað þeirra gat að minnsta kosti sungið og þau komust jú áfram. Velti fyrir mér hvað Hulk var að gera í Spiderman búningi í flutningi Albönsku söngkonunnar en fattaði svo að  hann hefur notað KRAFTINN  því  þau komust líka  áfram og  tók sérstaklega eftir hvað gríski guðinn var stressaður þegar hann fattaði að hann var kominn þarna til að syngja, ekki bara sýna sig. Hann var svo sem ekkert stressaður yfir úrslitunum því  hann komst jú áfram á útlitinu einu saman. Hann heldur að úrslit sé sama og útlit, það er jú ansi líkt þegar maður pælir djúpt í því.

 

Skiptir ei máli hvort sungið sé vel,

Sannast hið forna að gott vinarþel,

Milli nágrannaþjóða þau hvort öðru bjóða

Alls kyns samninga og allt fer þá vel.

 

Athugasemdir

[Elsa sys (IP-tala skráð) 15.5.2009 kl. 11:59]

Þú hefur greinilega setið og nóterað niður allt um alla...eru þetta eftirköst af skólanáminu ?? Já kynnarnir...well eins og þú réttilega segir...líkt og nýkomnir úr Bláa Lóninu með frekar illviðráðanlegt hárið eins og alltaf eftir slíka heimsóknir og svo komu þau fram eins og síamstvíburar og leit lengi vel út eins og karkynið hefði vaxið út frá vinstri helming hennar !!! Greinilegt að honum þótti EKKI leiðinlegt að hanga Á henni enda víst frægt súpermodel hér á ferð en maður bjóst nú hreinlega við að hann ætlaði sér bara alla leið þarna frammi fyrir allri Evrópu heheh !!  Njóttu þess að horfa á laugardaginn, mér skilst að það verði aðrir kynnar þá YEAH...svo er bara að horfa á þetta með rétta fílingnum gegnum hallærisglerugun og hafa BARA gaman af : ) Lofjú og góða helgi minn bró !!!